22.4c
Երեվան
կրկ, օգս 02
Կառավարութիւնը այսօրուան՝ 30 յուլիսի նիստին քննարկեց Ռոմանոս Պետրոսեանը Հայաստանի Հանրապետութեան Կոտայքի մարզպետի պաշտօնէն ազատելու հարցը։ Որոշման նախագիծն ընդգրկուած էր օրակարգին մէջ։
«Ղեկավարուելով Հայաստանի Հանրապետութեան Սահմանադրութեան 160-րդ յօդուածի 2-րդ մասով` Հայաստանի Հանրապետութեան կառավարութիւնը կ'որոշէ.
Ռոմանոս Պետրոսեանը ազատել Հայաստանի Հանրապետութեան Կոտայքի մարզպետի պաշտօնէն»,- նշուած է նախագիծին մէջ։
Կառավարութեան որոշմամբ Ռոմանոս Պետրոսեանը ազատուեցաւ Կոտայքի մարզպետի պաշտօնէն եւ պիտի նշանակուի Շրջակայ միջավայրի նախարար:
Նիստի ժամանակ վարչապետ Նիկոլ Փաշինեանը նշած է, որ որոշում կայացուցած է Պետրոսեանը նշանակել նախարարի պաշտօնին:
«Այդ հանգամանքի բերումով ալ կ'ընդունուի այս որոշումը: Այսօր համապատասխան միջնորդագիրը պիտի ստորագրեմ եւ ուղարկեմ հանրապետության նախագահին»,- ըսած է Փաշինեանը:
Վարչապետը շնորհակալութիւն յայտնած է Վահէ Ջիլաւեանին՝ նախարարի պարտականութիւնները կատարելու եւ իրականացուցած աշխատանքին համար:
Ռոմանոս Պետրոսեանը 2018 թուականի 1 յունիսէն կը զբաղցնէ ՀՀ Կոտայքի մարզի մարզպետի պաշտօնը։
