14.09c
Երեվան
հնգ, հկտ 01
Ռուսիա-(«RT»- Ռուսիա)- Ռուսիոյ քաղաքացիներուն երեք քառորդը, ռուսաստանեան հանրային կարծիքի ուսումնասիրման կեդրոնի համաձայն՝ կը գտնեն, որ նախագահ Վլատիմիր Փութինը այս տարուան լաւագոյն քաղաքական դէմքն է: Այս մասին կը փոխանցէ «RT»ին: Աղբիւրը կը նշէ նաեւ, որ կեդրոնի տնօրէն Վալէրի Ֆյուտրովը յայտնած է, թէ Փութինը շարունակած է մնալ տարուան լաւագոյն քաղաքական գործիչը՝ հետազօտութեան մասնակցող Ռուսիոյ ժողովուրդի 74 տոկոսին կարծիքով, մինչ անոր կը յաջորդէ է (մեծ տարբերութեամբ) ԱԳ նախարար Սերկէյ Լավրովը 13 տոկոսով, այնուհետեւ վարչապետ Տիմիթրի Մետվետէւ 5 տոկոսով եւ պաշտպանութեան նախարար Սերկէյ Շոյկուն նոյնպէս 5 տոկոսով եւ վերջապէս Ռուսաստանի լիպերալ-տեմոքրաթական կուսակցութեան առաջնորդ Վլատիմիր Ժիրինովսկին 4 տոկոսով:Կայքը կը նշէ, որ Ռուսաստանի հասարակական կարծիքի ուսումնասիրման կեդրոնի կողմէ պատրաստուած հարցումներուն պատասխանած են Ռուսաստանի 16 տարբեր շրջաններէ 1600 անձ, ուր սխալի տոկոսը չի գերազանցեր 3,5 տոկոսը:
