11.09c
Երեվան
շբթ, մյս 16
«ՀԱԼԷՊ» հայրենակցական բարեսիրական հասարակական կազմակերպությունից տեղեկանում ենք, որ օրերս «Փրկէ կեանք մը» ծրագրով Հալեպից Հայաստան տեղափոխվեց Մարիամ Մակդեսի Մոսոն։
Զվարթնոց օդանավակայանում նրան դիմավորել են «ՀԱԼԷՊ» ՀԲՀԿ-ի ներկայացուցիչները։ Նրա Հալեպից Հայաստան տեղափոխումը հնարավոր է դարձել IDeA հիմնադրամի ցուցաբերած ֆինանսական օժանդակության շնորհիվ:
2015թ-ի մայիս ամսից առ այսօր «ՀԱԼԷՊ» ՀԲՀԿ-ի կողմից մշակված և իրականացվող «Փրկէ կեանք մը» ծրագիրը աջակցում է Սիրիայում դժվար կացության մեջ հայտնված, նյութական ծանր դրության մեջ գտնվող և օգնության համար «ՀԱԼԷՊ» ՀԲՀԿ-ին դիմած սիրիահայերին՝ ձեռք բերելու մեկ ուղղությամբ տոմս դեպի Հայաստան։
Հիշեցնենք, որ 2016թ-ի հոկտեմբերի 15-ին IDeA հիմնադրամը, տարածելով հայտարարություն սիրիահայերի իրավիճակի վերաբերյալ, իր աջակցությունն է հայտնել նաև Հայաստան տեղափոխվել ցանկացող սիրիահայերին: IDeA հիմնադրամի այս նախաձեռնությունն իրականացվում է «ՀԱԼԷՊ» ՀԲՀԿ-ի «Փրկէ կեանք մը» ծրագրի շրջանակում՝ նեցուկ կանգնելով պատերազմական Սիրիայից Հայաստան գալ փափագող անձանց:
