22.09c
Երեվան
կրկ, հկտ 11
Թուրքիոյ մէջ ՌԴ դեսպան Անտրէյ Քարլովի սպանութենէն ետք Պաքուի մէջ ՌԴ դեսպանատան անվտանգութիւնն ուժեղացուցած են: Այդ մասին յայտնած է Ատրպէյճանի մէջ Ռուսիոյ դեսպան Վլատիմիր Տորոխին, կը գրէ «ՌԻԱ Նովոսթի»:
«Ատրպէյճանի մէջ Ռուսիոյ դեսպանատան հսկողութիւնն ուժեղացուած է: Ես կը հաւատամ Ատրպէյճանին եւ կը հաւատամ, որ այստեղ ինծի ոչինչ կը պատահի»,- ըսած է Տորոխին:
Յիշեցնենք, որ Քարլովի վրայ զինուած յարձակումը տեղի ունեցած է Երկուշաբթի Անգարայի մէջ ցուցահանդէսի բացման ժամանակ: Միջոցառման ընթացքին յանցագործը քանի մը անգամ կրակած է ռուս դեսպանին մէջքին: Ստացած վնասուածքներէն դեսպանը մահացած է:
Թրքական ԶԼՄ-ները կը յայտնեն, որ մարդասպանը հասցուցած է 11 անգամ կրակել, որոնցմէ 9 փամփուշտ դիպչած է Քարլովին:
Ուժայիններու գործողութեան հետեւանքով յարձակողը, որ ցուցահանդէսի շէնք մտած էր ներկայացնելով ոստիկանական վկայագիր, չէզոքացուած է:
