13.09c
Երեվան
ուրբ, մյս 15
Պաապտայի նախագահական պալատին մէջ լրագրողներուն հետ հանդիպում մը ունենալով Լիբանանի նախագահ զօր. Միշէլ Աուն յայտարարեց. «Լիբանան յաղթեց ահաբեկչութեան»: Նախագահը նաեւ ըսաւ, որ այս յաղթանակը կը նուիրուի բոլոր լիբանանցիներուն:
Նախագահ Աուն նաեւ նշեց , որ լիբանանցիները պէտք է պահպանեն այս յաղթանակը: Ան դրուատիքով խօսեցաւ բանակի իրագործումներուն եւ արի կեցուածքին մասին, իր խօսքը լիբանանցիներուն ուղղելով կոչ ըրաւ հեռու մնալ քաղաքական քաշքշուքներէ, դիտել տալով, որ «պէտք է հեռու մնանք անտեղի քաշքշուքներէ ու թոյլ չտանք, որ այդ խօսակցութիւնները մեզի մոռցնել տան մեր տարած յաղթանակը»:
Նշենք, որ նախագահի խօսքէն անմիջապէս ետք խօսքով հանդէս եկաւ լիբանանեան բանակի ընդհանուր հրամանատար զօր. Ժոզէֆ Աուն, որ նոյնպէս յայտարարեց լիբանանեան բանակի ահաբեկիչներուն դէմ գրանցած հերոսական յաղթանակին մասին:
