20.09c
Երեվան
չրք, մյս 06
Լիբանանի խորհրդարանը այսօրուընէ սկսեալ պիտի քննարկէ «յատուկ ներման» օրինագիծ մը, որուն հրապարակումէն ետք հարիւրաւոր բանտարկեալներ ազատ պիտի արձակուին։
Այս մասին տեղեկութիւնը հաղորդեց «Ալ Ժումհուրիյա» պարբերականը նշելով նաեւ, որ «յատուկ օրէնք»ի հիմնական նպատակն է գերխճողուած վիճակէն դուրս բերել Լիբանանի բանտերը։
Կը նշուի նաեւ, որ ներման օրէնքին ենթակայ պիտի դառնան այն բանտարկեալները, որոնք մէկ կամ երկու տարուան բանտարկութեան պատիժի արժանացած են եւ անոնք նաեւ, որ երկրի բանակին կամ պետական մարմիններուն դէմ դաւաճանութիւն չեն գործած։
Կը նշուի նաեւ, որ խորհրդարանի այսօր ընթացք առնելիք քննարկումներու ընթացքին կրնան բուռն վէճեր ծագիլ կապուած իսլամիստ բանտարկեալներու թեմային, որոնք առնուազն երկու տարիէ ի վեր մասնաւորապէս նախկին վարչապետ Սաատ Հարիրիի իշխանութեան օրօք խոստումներ ստացած են ազատ արձակուելու։
Խօսքն անշուշտ կը վերաբերի իսլամիստ այն բանտարկեալներուն, որոնք կրակ չեն բացած երկրի իրաւապահ մարմիններուն դէմ։
