15.89c
Երեվան
կրկ, հնս 28
Իսրայէլեան «Debka Files» հետախուզական կայքը, հիմնուելով բանակի զինուորներու բողոքները արձանագրող պաշտօնեայի՝ Իսհաք Պրիքի ձեռք բերած տուեալներուն, բացայայտած է, որ Իսրայէլեան բանակը ո'չ «Հըզպալլա»ի, ո'չ «Համաս»ի հետ պայքարի դուրս գալու պատրաստ է:
Աղբիւրին համաձայն, բանակի զինուորները յառաջիկայ պատերազմին մասնակցելու համար զօրավարժութիւններու չեն ենթարկուիր, իսկ զինամթերքի պահեստներուն մէջ մեծ թիւով անհրաժեշտ զէնքեր կը բացակային, եղածներն ալ մեծաւ մասամբ անօգտագործելի են:
Առաւել յատկանշական է այն, որ բանակն անկարող է ստիպել իր սպաներուն եւ զինուորականներուն բջիջային հեռախօսներ չօգտագործել, իսկ վերջիններուս կողմէ օգտագործուող «Whatsapp» ծրագիրը անմիջապէս կրնայ բացայայտել իրենց գտնուած վայրը, մինչդեռ իսրայէլեան հետախուզական համակարգը թերի կը գործէ:
Թերթը դիտել տուած է նաեւ, որ ռազմական բժիշկներու եւ բուժօգնողներու թիւը նոյնպէս շատ քիչ է, որուն հետեւանքով ալ ռազմական բժշկութեան ծառայութիւնները չեն կրնար անթերի կերպով մատուցուիլ:
