12.09c
Երեվան
չրք, մյս 06
Ֆրանսայի նախագահ Ֆրանսուա Հոլլանտ պատկերասփռուած պատգամ մը տալով յայտնեց, թէ 10 հազար յաւելեալ զինուորներ պիտի ստանձնեն երկրի ապահովութիւնը: Հոլլանտ նաեւ նկատել տուաւ, որ Ֆրանսա աւելիով պիտի ամրացնէ իր ներկայութիւնը Սուրիոյ եւ Իրաքի մէջ: Նշենք, որ աւելի վաղ Հոլլանտ 3 ամիսով յետաձգած էր երկրին մէջ գործող ահազանգային վիճակին պահպանութիւնը: Յիշեցնենք, որ Նիսի մէջ գործուած ահաբեկչութեան հետեւանքով երէկ զոհուածներուն թիւը հասած էր 84-ի, իսկ վիրաւորներունը ՝ 130-ի: Կը հաղորդուի նաեւ, որ վիրաւորներուն 18-ին վիճակը ծանր է: Ահաբեկիչ զինեալ մը բեռնատար կառքով ներրխուժած էր Նիսի մէջ Ֆրանսայի անկախութեան տօնը նշող բազմութեան վրայ: Ֆրանսայի ոստիկանութեան մէկ բանբերը յայտնած էր, թէ եղած յարձակումին զուգընթաց ոստիկանութիւնը յաջողած էր ձախողցնել ահաբեկչկական այլ 6 գրոհներ:
