11.09c
Երեվան
երկ, ապր 27
Այսօր յետմիջօրէի ժամը 4:00 -ին հրթիռներ ինկած են Հալէպի Ազիզիյէ թաղամասին վրայ: Այս մասին «Արեւելք» իմացաւ Հալէպի իր աղբիւրէն, որ նաեւ յայտնեց, որ հրթիռարձակումները տեւած են շուրջ կէս ժամ: Նշենք, որ այդ թաղամասին մէջ կը գտնուի Հալէպի Նոր Սերունդ մշակութային միութեան շէնքը, որուն մէջ կը գործեն ՍԴՀԿ «Տխրունի Ուսանողական Միութիւն»ը եւ Հ.Մ.Մ. մարզական մարմինը: Հրթիռարձակումներուն հետեւանքով զոհուած են 4 անձեր եւ վիրաւորուած 35 ուրիշներ: Ցարդ յայտնի չէ, զոհերուն մէջ հայ ըլլալու հանգամանքը: Յայտնենք, որ նոյն թաղամասի հանդիպակաց կողմը կը գտնուի Հալէպի Հ.Մ.Ը.Մ.ի ակումբը: Հրթիռարձակումներուն հետեւանքով գրանցուած են նիւթական մեծ վնասներ:
