10.09c
Երեվան
հնգ, հկտ 22
«Ալ Մայատին» (almayadeen.net) կայանը այսօր իր կայքին վրայ հրապարակած է Լիպիոյ նախագահ Մուհամմար Քազաֆիին եւ Ֆրանսայի նախագահ Նիքոլա Սարքոզիին միջեւ 2007 թուականին եղած հեռախօսազրոյցին մանրամասնութիւնները:
Աղբիւրը կը յայտնէ, որ սովորական բարեւտուքէ ետք երկու առաջնորդները քննարակած են իրենց միջեւ համագործակցութիւնը աշխուժացնելու դրոյթները:
Նախագահ Սարքոզի Քազաֆիին առաջարակած է կորիզային ոլորտին մէջ յաւելեալ ներդրումներ կատարելու Ֆրանսայի փափաքը ու այս առումով առաջարկած է ֆրանասացի մասնագէտներու պատուիրակութիւն մը շուտով Թրիփոլի ուղղարկել տեղւոյն վրայ ծանօթանալու համար Լիպիոյ «կորիզային պայմաններ»ն:
Սարքոզի նաեւ կարեւորած է Լիպիոյ հետ Ափրիկէի մէջ համագործակցելու խնդիրը յատկապէս Ֆրանսախօս երկիրներու շրջանականերուն մէջ: Իր կարգին Լիպիոյ առաջնորդը իր գոհունակութիւնը արտայայտած է Ֆրանսայի նախագահին որդեգրած կեցուածքներուն առընթեր ըսելով, որ «մենք երախտապարտ ենք, որ Եւրոպայի մէջ ունինք ձեր նման վստահելի բարեկամ-գործընկեր մը»:
Յիշեցնենք, որ օրերս Ֆրանսայի դատական բարձր ատեանը հարցաքննութեան կանչած էր նախկին նախագահ Սարքոզին զինք մեղադրելով Քազաֆիին կողմէ տրամադրուած «ապօրինի» գումարներ իր ընտրական արշաւին ընթացքին օգտագործելու համար:
Դատական գործընթացը տակաւին կը շարունակուի, իսկ Սարքոզի այս մասին մամուլին խօսելով յայտնած է իր խորին դժգոհութիւնը ըսելով, որ «կեանքս դժոխքի վերածեցիք»:
