19.09c
Երեվան
երք, հկտ 20
Իսրայէլեան «Ետիհոթ Ահրոնոթ» թերթը յայտնած է, որ վերջերս Եգիպտոս մեկնիլ ցանկացող իսրայէլցի զբօսաշրջիկներու խումբեր անցագիր ստանալու համար դիմելով Թէլ Աւիւի մէջ Եգիպտոսի դեսպանութիւն, մերժողական պատասխան կը ստանան:
Թերթին փոխանցմամբ, Թրամբի կողմէ Երուսաղէմը Իսրայէլի մայրաքաղաք ճանչցուելէ եւ ԱՄՆ դեսպանութիւնն այնտեղ տեղափոխելու որոշումէն ետք Իսրայէլի մօտ Եգիպտոսի դեսպանութիւնն սկսած է մերժել իր երկիր այցելել ցանկացող իսրայէլցիներու մուտքի արտօնագիրներու դիմումները:
Թերթը յայտնած է նաեւ, որ Իսրայէլի Արտաքին գործոց նախարարութիւնը պարզաբանում պահանջած է Եգիպտոսի դեսպանութենէն, որուն ի պատասխան վերջինս յայտնած է, թէ Եգիպտոսի ներկայ իրավիճակը նպաստաւոր չէ իսրայէլցի զբօսաշրջիկներու շրջակայութեան համար:
