14.19c
Երեվան
կրկ, հնս 28
ՀՀ ԲՆ կայքի հաղորդմամաբ, անցած գիշեր եւ այսօր առաւօտեան ազրպէյճանական կողմը 16 անգամ կրակահերթեր արձակած է հայ դիրքապահներու ուղղութեամբ հայ-ազրպէյճանական պետական սահմանագօտիի հիւսիսարեւելեան հատուածին` Տաւուշի մարզի վրայ, կիրառելով հրաձգային, ինչպէս նաեւ խոշոր տրամաչափի զինատեսակներ:
Նախորդ օրերու համեմատութեամբ խախտումներու պարբերականութիւնը նուազած է եւ ազրպէյճանական կողմէն արձակուած կրակահերթերը կրած են անկանոն բնոյթ:
ՀՀ ԶՈւ առաջապահ ստորաբաժանումները վստահօրէն կը վերահսկեն սահմանային իրավիճակը եւ պատասխան գործողութիւններու կը դիմեն միայն խիստ անհրաժեշտութեան պարագային:
