22.09c
Երեվան
կրկ, հկտ 11
Ամերիկեան Քոննեքթիքաթ նահանգի դատարանը արաբական երգարուեստի մեծագոյն դէմքերէն Ֆէյրուզի դէմ մէկ միլիոն տոլարի տուգանք սահմանած է, կը գրէ «Ալ Սաֆիր» թերթը:
Աղբիւրը կը նշէ, որ տուգանքին պատճառը 2009 թուականին Քոննեքթիքաթ նահանգին մէջ Ֆէյրուզի համերգին վերաբերեալ ծագած տարակարծութիւնն է, որ վնաս պաճառած էր երկու արաբներու եւ մէկ ամերիկացիի քաղաքացիական եւ նիւթական իրաւունքներուն:
Դատարանի վճիռով Ֆէյրուզին դէմ սահմանուած է 800 հազար տոլարի տուգանք՝ ներառեալ տոկոսներն ու դատական ծախսերը, այսինքն՝ աւելի քան մէկ միլիոն տոլար:
Ներկայիս երգչուհիին պիտի յանձնուի լիբանանեան դատարանին կողմէ օտարերկրեայ դատարանի որոշումը գործադրելու պատշաճեցուած բանաձեւը:
Յիշենք, որ նշուած դատական գործի առնչութեամբ Ֆէյրուզ ԱՄՆ-ի մէջ ներկայացուցած էր իր ինքնապաշտպանական ճառը, որմէ ետք դատավճիռը հրապարակուած էր ի շահ բողոքարկու կողմին:
