13.09c
Երեվան
ուրբ, ապր 26
Լեռնային Ղարաբաղի Հանրապետութեան ճանաչումը Փարիզի կողմէ ոչ մէկուն օգուտ կը բերէ: Նման յայտարարութիւն ըրած է Ֆրանսայի ԱԳՆ-ին կից պետական քարտուղար Ժան-Պաթիսթ Լեմուանը:
«Ֆրանսայի կողմէ Լեռնային Ղարաբաղի միակողմանի ճանաչումը օգտակար չէր ըլլար ոչ մէկուն՝ ո՛չ Հայաստանին, ո՛չ Ղարաբաղի բնակչութեան, ո՛չ Ֆրանսային, ո՛չ ԵԱՀԿ Մինսքի խումբի միւս համանախագահներուն, ո՛չ Եւրոպային»,- ըսած է պաշտօնեան:
Անոր խօսքով՝ այդ քայլը չարտացոլեր ֆրանսական կառավարութեան, Երեւանի եւ Փարիզի այլ գործընկերներու քաղաքականութիւնը:
Նշենք, որ աւելի վաղ Ֆրանսայի Հանրապետութեան Սենատն ընդունած էր «Լեռնային Ղարաբաղի Հանրապետութեան ճանաչման անհրաժեշտութեան մասին» բանաձեւի նախագիծը:
Բանաձեւը, ի թիւս այլ դրոյթներու, կը ներառէ հետեւեալ առանցքային կէտերը.
1. Կ'առաջարկէ կառավարութեան ճանչնալ Լեռնային Ղարաբաղի Հանրապետութիւնը,
2. Կը դատապարտէ Թուրքիոյ եւ օտարերկրեայ վարձկաններու աջակցութեամբ Ատրպէյճանի իրականացուցած յարձակումն ու կը պահանջէ ատրպէյճանական զօրքերու դուրսբերում 27 սեպտեմբերէն ի վեր պատերազմական գործողութիւններու հետեւանքով գրաւուած տարածքներէն,
4. Բանաձեւին մէջ, յիշատակելով ատրպէյճանական իշխանութիւններու կողմէ Սումկայիթի, Կիրովապատի, Պաքուի եւ Մարաղայի հայկական ջարդերը եւ յղում ընելով Ռասիզմի եւ անհանդուրժողականութեան դէմ եւրոպական յանձնաժողովի (ԵԽ) ու Ցեղային խտրականութեան հարցերով ՄԱԿ կոմիտէի (CERD)` Ատրպէյճանի վերաբերեալ զեկոյցներուն, կ'արձանագրուի Ատրպէյճանի մէջ հայ բնակչութեան ապրելու անհնարինութիւնը։
