26.09c
Երեվան
կրկ, հլս 06
ՊԲ-ի ստորաբաժանումները գերեվարած են հերթական ահաբեկիչը, որու նոյնիսկ հպանցիկ հարցաքննութիւնը որեւէ կասկած չի թողներ ատրպէյճանական ճակատային գիծին վրայ ահաբեկիչներու առկայութեան մասին, կը տեղեկացնեն ՀՀ պաշտպանութեան նախարարութենէն:
Գերեվարուած իսլամիստ-ծայրայեղական ահաբեկիչին անունը Մեհրետ Մուհամմատ Ալշխեր է:
Ծնունդով Սուրիոյ Համա քաղաքէն:
Կը պատմէ, որ ամուսնացած է եւ ունի երեք երեխայ: Կը խոստովանի, որ Թուրքիոյ կողմէն 250 այլ ահաբեկիչներու հետ միասին ատրպէյճանաարցախեան ճակատային գիծին վրայ յայտնուած է 19 հոկտեմբերին: Իրենց խոստացած էին 2000 տոլար վարձավճար, որ սակայն չէ վճարուած:
Վիրաւորուելէն ետք զինք լքած են զինակիցները: Կը պատմէ, որ ճակատային գիծին վրայ իրենք կ'երթան առջեւէն, իսկ 2-րդ, 3-րդ գիծով առաջ կը շարժուին ատրպէյճանցի զինուորականները: Նախքան ռազմաճակատ բերուիլը, մասնակցած են ճամբարային հաւաքներու, ուր իրենց հետ աշխատած են թուրք ռազմական հրահանգիչները:
