12.09c
Երեվան
ուրբ, ապր 19
Հայաստանի մէջ այսօր կը նշուի Հայ մամուլի օրը: Այս օրը նշանաւորուած է Մատրասի մէջ հայկական առաջին «Ազդարար» տպագիր պարբերականի հրատարակութեամբ:
ՀՀ կառավարութեան 2004-ի Ապրիլ 22-ի որոշումով Հոկտեմբեր 16-ը կը նշուէր որպէս «Մամուլի աշխատակիցի օր», սակայն յետագային անիկա վերանուանուեցաւ եւ դարձաւ Հայ մամուլի օր:
1794 թուականի այս օրը հրատարակուած է հայկական առաջին «Ազդարար» տպագիր պարբերականը:
«Ազդարար»-ը հիմնադրուած է Մատրասի մէջ 1794 թուականի Հոկտեմբեր 16-ին: «Ազդարար» ամսագրի հիմնադիրն էր շիրազցի Յարութիւն քահանայ Շմաւոնեան: Ան գործած է մինչեւ1796 թուականի Մարտ ամիսը: Այդ ընթացքին հրատարակած է 18 թիւ (տետրակ) իւրաքանչիւրը` մօտ 50 էջ, 965 էջ ընդհանուր ծաւալով: Դադրած է գործելէ նիւթական դժուարութիւններու պատճառով: Տպագրած է գրաբարով, մասամբ` հնդկահայ եւ Նոր Ջուղայի բարբառներով:
2007-ին ամսագիրը վերսկսած է թողարկուիլ Կալկաթայի մէջ: Անիկա լոյս տեսած է ամերիկահայ աստղագէտ Նորա Անդրէասեանի մեկենասութեամբ: Վերահրատարակուող «Ազդարար»-ի խմբագիրն է Մարտիկ Սարգսեան:
