Լիբանանեան ծովեզերեայ Ժիպէյլ շրջանին մէջ, երէկ երեկոյեան սուրիահայ մը զոհուած է: Այս մասին տեղեկութիւնը ստացանք «Արեւելք»ի Պէյրութի աղբիւրէն: Մեր աղբիւրը նաեւ փոխանցեց, թէ Աբրահամ Յովակիմ Փիլիպոսեան զոհ գացած է շրջանին մէջ եղած կրակոցին: Կը հաղորդուի, թէ 38-ամեայ քաղաքացի մը, որ կրակ կը բանար փողոցային շուներու վրայ, վիրաւորած է դիպուածով հոն գտնուող Փիլիպոսեանը, որ ծանրօրէն վիրաւորուելէ ետք տեղւոյն վրայ մահացած է: Սպանեալին դին փոխանդրուած է «Ալ Մահունաթ» հիւանդանոց, իսկ տեղի ոստիկանութիւնը յայտարարած է նախնական հետաքննութիւն կատարելու մասին: Ըստ մեր աղբիւրին, դէպքը եղած է Ժըպէյլի հայկական թաղամասին մէջ: