2.09c
Երեվան
ուրբ, փտր 20
ՀՀ Առողջապահութեան նախարարութիւնը նախագիծ ներկայացուցած է, որով կ'առաջարկէ հանրային սնունդի վայրերուն մէջ արգիլել սեղանի վրայ աղամանի առկայութիւնը` առանց սպառողին կողմէ պահանջի ներկայացման:
E-draft.am-ում հանրային քննարկման ներկայացուած նախագիծին մէջ, մասնաւորապէս, կ'առաջարկուի սահմանել, որ hանրային սնունդի վայրերուն մէջ սեղանին վրայ առանց սպառողին կողմէ պահանջի ներկայացման աղամանի առկայութիւնը` կ'առաջացնէ տուգանքի նշանակում տնտեսվարողի նկատմամբ` սահմանուած նուազագոյն աշխատավարձի երեսնապատիկի չափով:
Ներկայացուած հիմնաւորման համաձայն` նախագիծիմ ընդունումը պիտի բերէ աղի օգտագործումը չարաշահող անձերու քանակի նուազեցմանը եւ, որպէս արդիւնք, պիտի բերէ ոչ-վարակիչ հիւանդութիւններով հիւանդացութեան նուազեցման:
Հիմնաւորման մէջ նաեւ կը նշուի, որ համաձայն Առողջապահութեան համաշխարհային կազմակերպութեան` կերակուրի աղին քանակը պէտք չէ գերազանցէ օրական 5 կրամը, մինչդեռ Հայաստանի մէջ անոր օգտագործման ծաւալը կրկնակի կը գերազանցէ սահմանուած շեմը:
