27.52c
Երեվան
ուրբ, հնս 19
«Դիմադրութիւն» շարժման մասնակիցները այսօր` 10:00-ին պիտի հաւաքուին Ֆրանսայի հրապարակ, ուրկէ երթով պիտի երթան Եւրոմիութեան գրասենեակին մօտ` փաստերով ներկայացնելու այն բոլոր բռնութիւնները, որոնք այս օրերուն տեղի ունեցած են Հայաստանի մէջ: Այս մասին երէկ Ֆրանսայի հրապարակին մէջ տեղի ունեցող հանրահաւաքին յայտարարեց ԱԺ փոխխօսնակ Իշխան Սաղաթէլեանը:
«Պահանջելու ենք դրան համապատասխան գնահատական տալ: Այս երկակի չափանիշներով, իրենց լռութիւնով նպաստում են, որպէսզի Նիկոլը երկրում հաստատի բռնապետութիւն, որը թոյլ չենք տալու», նշեց ան:
Սաղաթէլեան ըսաւ, որ պիտի պահանջեն հանդիպումներ ՀՀ-ի մէջ հաւատարմագրուած տարբեր դեսպաններու հետ, որպէսզի ներկայացնեն ստեղծուած իրավիճակը:
Ան նշեց, որ այսօր տեղի պիտի ունենան մի քանի գործողութիւններ, հանրահաւաք պիտի չըլլայ, Ֆրանսայի հրապարակին մէջ պիտի ըլլան մշակութային ծրագրեր:
