Ուքրանիոյ պաշտպանութեան նախարար Ալեքսէյ Ռեզնիքովը յայտարարած է, որ «Ուքրանիան պիտի շարունակէ յարձակումները Ռուսիոյ կողմէ բռնագրաւուած Խրիմի, ինչպէս նաեւ Ռուսիոյ Դաշնութիւնը Խրիմի հետ կապող Քերչի կամուրջի վրայ»: Ան այս մասին ըսած է CNN-ին տուած հարցազրոյցին:
Միաժամանակ ան խոստովանած է, որ Ուքրանիոյ հակայարձակումը դանդաղ կ'ընթանայ եւ ետ կը մնայ ժամանակացոյցէն։
Աղբիւրը յիշեցուցած է, որ Ռուսիան օրերս հրթիռային հարուածներ հասցուցած է Ուքրանիոյ հարաւային Օտեսա քաղաքին եւ յարակից շրջաններուն, իսկ Ուքրանիան կը շարունակէ հարուածներ հասցնել Խրիմի ուղղութեամբ: Երեքշաբթի ուքրանական անօդաչու թռչող սարքերը հարուածած են Խրիմի մէջ զինամթերքի պահեստը, Քերչի կամուրջը։