Ուզպեքիստանի հակաօդային պաշտպանութեան համակարգը Աֆղանիստանի ռազմաօդային ուժերու ինքնաթիռ կործանած է՝ սահմանը խախտելու փորձ կատարելու ժամանակ, կը յայտնէ «ՌԻԱ Նովոստի»-ն՝ վկայակոչելով Ուզպեքիստանի պաշտպանութեան նախարարութեան:
«15 Օգոստոսին Սուրխանտարիայի մարզի Շերապատ շրջանին մէջ Ուզպեքիստանի ռազմաօդային ուժերու հակաօդային պաշտպանութեան ուժերը ճնշած են Ուզպեքիստանի օդային սահմանը անօրինական կերպով հատելու փորձը աֆղանական ռազմական ինքնաթիռի կողմէ»,- ըսած է երկրի պաշտպանութեան նախարարութեան ներկայացուցիչը:
Ինչպէս նշած են ՊՆ-էն, նախնական տուեալներով, զոհեր չկան: Միաժամանակ «Gazeta.uz»-ը նշած է, որ երկու աֆղան զինծառայող տեղափոխուած են Շտապ բժշկական օգնութեան հանրապետական գիտական կեդրոնի Թերմեզի մասնաճիւղ:
Միացիր մեզ Տելեգրամում
Միացիր մեզ Յութուբում
Կիսուիլ
