32.09c
Երեվան
հնգ, հլս 31
ԱՄՆ նախագահ Ճօ Պայտըն յայտարարած է, որ ամերիկացիները պէտք չէ անհանգստանան հնարաւոր միջուկային պատերազմի համար` Ռուսաստանի նախագահ Վլատիմիր Փութինի` ռազմավարական ուժերը «յատուկ» պատրաստութեան վիճակի բերելու վերաբերեալ յայտարարութիւններու լոյսին տակ:
Միաժամանակ Փենթակոնի խօսնակ Ճոն Քիրպին ըսած է, որ ԱՄՆ-ն «կը դիտարկէ եւ կը վերլուծէ» Ռուսաստանի Դաշնութեան նախագահին յայտարարութիւնը:
Նախօրէին Ռուսաստանի պաշտպանութեան նախարար Սերկէյ Շոյկուն նախագահ Վլատիմիր Փութինին զեկուցած է, որ անոր հրամանին համաձայն` Ռազմավարական նշանակութեան հրթիռային զօրքերու կառավարման կէտերու, Հիւսիսային եւ Խաղաղովկիանոսեան նաւատորմերու, ինչպէս նաեւ հեռահար օդագնացութեան հրամանատարութեան հերթապահները սկսած են ուժեղացուած անձնակազմով մարտական հերթապահութիւն իրականացնել:
