21.09c
Երեվան
երք, սպտ 08
Հայաստանի քննչական կոմիտէն, հաշուի առնելով վերջին շրջանին 44-օրեայ պատերազմի զոհերու թիւի վերաբերեալ շահարկումները, հարկ կը համարէ վերահաստատել, որ 2020 թուականի 44-օրեայ պատերազմի հետևանքով զոհուած է 3,833 անձ, որմէ 3,755-ը՝ զինծառայողներ, 78-ը՝ քաղաքացիական անձինք։
Այս մասին Քննչական կոմիտէն հաղորդագրութիւն տարածած է։
Նշուած է, որ անյայտ է 191 անձի գտնուելու վայրը, որոնցմէ 172-ը՝ զինծառայողներ, 19-ը՝ քաղաքացիական անձինք։
«Նշենք նաեւ, որ ՀՀ նախագահ Վահագն Խաչատուրեանի հնչեցրած թուի վերաբերեալ ՀՀ նախագահի աշխատակազմը պարզաբանել է, որ տեղի է ունեցել շփոթմունք։ Յորդորում ենք զերծ մնալ զոհերի թուի վերաբերեալ որեւէ շահարկումից եւ հիմք ընդունել միայն Քննչական կոմիտէի կողմից հրապարակուած պաշտօնական տուեալները»,-ըսուած է ՀՀ քննչական կոմիտէի հաղորդագրութեան մէջ։
