Ծանր վիճակի մէջ եղող զինուորին մօտ դրական նշաններ. Կարգ մը զինուորներ դուրս եկած են հիւանդանոցէն

Ծանր վիճակի մէջ եղող զինուորին մօտ դրական նշաններ. Կարգ մը զինուորներ դուրս եկած են հիւանդանոցէն

Արցախի մէջ ատրպէյճանական յարձակման հետեւանքով թեթեւ վիրաւորում ստացած քանի մը զինծառայողներ դուրս եկած են հիւանդանոցէն։ Այս մասին NEWS.am-ի հետ զրոյցի ժամանակ ըսած է Արցախի առողջապահութեան նախարար Միքայէլ Հայրիեանը։

Ան յայտնած է, որ ծանր վիճակի մէջ գտնուող զինծառայողի մօտ դրական տեղաշարժ կայ։

Նշենք, որ ատրպէյճանական սադրանքի հետեւանքով վիրաւորուծ զինծառայողներու թիւը 19-ն է։ Վիրաւորներէն 4-ը ծանր վիճակի մէջ են, մէկը՝ ծայրայեղ ծանր, միւս զինծառայողներու վիճակը կը գնահատուի միջին եւ թեթեւ ծանրութեան։

Յիշեցնենք, որ 1 օգոստոսին ժամը 09:00-էն սկսեալ, Արցախի Հանրապետութեան հիւսիսային եւ հիւսիս-արեւմտեան սահմանագօտիի շարք մը հատուածներու մէջ ատրպէյճանական ստորաբաժանումները դիմած են սադրանքի՝ կատարելով շփման գիծը հատելու փորձեր, որոնք կասեցուած են Պաշտպանութեան բանակի ստորաբաժանումներու ուժերով: Այդ սադրանքներու հետեւանքով հայկական կողմն ունեցած է երկու զոհ։