27.09c
Երեվան
հնգ, հլս 31
Ֆրանսա- Փարիզ հրապարակուող «Շարլի Հիպտո» երգիծաթերթը իր վերջին թիւին գլխաւոր թեման յատկացուցած է Եւրոպա հասնող սուրիացի գաղթականներուն: Պարբերականին հրապարակած ամէնէն ուշագրաւ նկարները երկուք են: Անոնցմէ առաջինին մէջ պատկերուած է Պոտրումի ափերուն խեղդամահ եղած եւ ափը «նետուած» սուրիացի 3-ամեայ երեխայ Իյլան Ալ Քուրտին: Պատկերին տակ գրուած է «Շատ մօտԻԿ իր նպատակին» իսկ անոր վրայ երեւելի է ամերիկեան Մաք Տոնլըտ ճաշարաններու ծանուցումը ուր կը կարդանք ՝«Յատուկ զեղչ երկու երեխայ Մէկ երեխայի գինով»: Երկրորդ նկարին մէջ կը ներկայացուի Յիսուս Քրիստոսն ու խեղդուող գաղթական մը: Մինչ Քրիստոս կը յայտնէ, թէ «Քրիստոնեաները կարողութիւնը ունին ջուրին վրայէն քալելու» անդին խեղդուողը, որ անաչափահաս երեխայ մըն է կը պատասխանէ՝ «Իսլամները ջուրին մէջ կը խեղդուին» : Նշենք, որ «Շարլի Հիպտո»ի այս վերջին թիւի հրապարակումէն ետք Եւրոպական ընկերային ցանցեր մեծ տարողութեամբ քննարակած են անոր արծարծած թեմաները: Յիշեցնենք, որ 8 ամիս առաջ պարբերականին գլխաւոր կեդրոնատեղին ծայրայեղականներու ահաբեկչութեան թիրախ դարձած էր եւ գրոհի մը հետեւանքով անոր գլխաւոր նկարիչները սպաննուած էին:
