2.09c
Երեվան
ուրբ, փտր 27
Երեւան քաղաքի առաջին ատեանի ընդհանուր իրաւասութեան դատարանը վարոյթ ընդունած է ՀՀ երրորդ նախագահի Սերժ Սարգսեանի ներկայացուցած հայցն ընդդէմ ԱԺ «Քաղաքացիական պայմանագիր» պատգամաւոր Խաչատուր Սուքիասեանի դէմ: Այս մասին կը տեղեկանանք «Դատալեքս» տեղեկատուական համակարգէն:
Դատական գործի վերաբերեալ տեղեկութիւններէն պարզ կը դառնայ, որ երրորդ նախագահը հայց ներկայացուցած է նաեւ ԱԺ աշխատակազմի դէմ` պահանջելով հրապարակայնօրէն հերքել զրպարտութիւն հանդիսացող տուեալները եւ հատուցել իր պատուոյն ու արժանապատուութեան պատճառուած վնասը։
Դատական գործը մակագրուած է ընդհանուր իրաւասութեան դատարանի Քանաքեռի նստավայրի դատաւոր Սերկէյ Սահակեանին:
Դատավարութեան մեկնարկի օրը նշանակուած չէ։
Յիշեցնենք, որ 25 Օգոստոսին խորհրդարանին մէջ Սուքիասեանը յայտարարած էր, թէ Սարգսեանը 100 միլիոն տոլարէն աւելի գումար «քազինոներում կրուել է Պատեն-Պատէններում», եւ այդ, իշխանական պատգամաւորի պնդմամբ, բանակի եւ պետութեան այլ ծախսերու հաշուոյն՝ վերածուելով լայնամաշտապ քոռուփցիայի:
