33.09c
Երեվան
հնգ, օգս 20
Թուրքիոյ պաշտպանութեան նախարարութիւնը հերքած է այն տեղեկութիւնները, թէ թրքական ռազմական պատուիրակութիւնը գտնուած է Սուրիոյ Ապու ալ-Տուհուր օդակայանին մէջ, երբ այն ենթարկուած է Իսրայէլի հարուածին։
Ինչպէս կը հաղորդէ «Ռոյթըրզ» գործակալութիւնը, Թուրքիոյ պաշտպանութեան նախարարութիւնը Օգոստոս 20-ին յայտարարած է, որ պէտք չէ թոյլ տալ, որ Իսրայէլի՝ դրացի երկիրներու նկատմամբ ռազմական միջամտութիւնները սկսին ընկալուիլ որպէս սովորական եւ ընդունելի երեւոյթ։
Թուրքիոյ պաշտպանութեան գերատեսչութիւնը նաեւ միջազգային հանրութեան կոչ ըրած է աւելի յստակ եւ արդիւնաւէտ միջոցներ ձեռնարկելու Իսրայէլի այն գործողութիւններու դէմ, որոնք, Անգարայի գնահատմամբ, կը սպառնան տարածաշրջանային խաղաղութեան եւ կայունութեան։
