-0.91c
Երեվան
չրք, հնվ 15
Հայաստանի Հանրապետութեան մէջ Ռուսիոյ Դաշնութեան դեսպան Սերկէյ Քոփիրքինը ՀՀ Արտաքին գործոց նախարարութիւն կանչուած է, յայտնած են ՀՀ արտաքին քաղաքական գերատեսչութենէն։
Նշուած է, որ պատճառը 12 յունուար 2025-ին Ռուսիոյ Դաշնութեան համառուսաստանեան պետական հեռուստատեսութեան եթերով թողարկուած «Շաբթուայ լուրեր» հաղորդումն է, որու ընթացքին «հնչեցուած էին արհեստականօրէն ստեղծուած խօսոյթներ Հայաստանի Հանրապետութեան ինքնիշխանութեան եւ տարածքային ամբողջականութեան դէմ»։
Հանդիպման ընթացքին դեսպանին յանձնուած է համապատասխան բողոքի յայտագիր:
Նշենք, որ յունուար 12-ին Տմիթրի Քիսէլեովի ամփոփիչ ծրագրին մէջ ռեփորթաժ հրապարակուած էր հայ-ատրպէյճանական յարաբերութիւններու, տարածաշրջանային հաղորդակցութիւններու բացման եւ ԵՄ-ին անդամակցութեան գործընթացին աջակցելու` Հայաստանի կառավարութեան որոշման մասին:
