3.09c
Երեվան
ուրբ, փտր 27
ORSIS ռուսական ընկերութիւնը Երեւանի հետ զէնքի մատակարարման բանակցութիւններ կը վարէ։ Այս մասին ORSIS («Զինատեսակի համակարգեր», որ կը մտնէ Արդիւնաբերական տեխնոլոկիաներ ընկերութիւններու խումբին մէջ) ձեռնարկութեան գլխաւոր ներկայացուցիչ՝ Մաքսիմ Պայմետովն ըսած է ՌԻԱ «Նովոսթի»-ի տուած հարցազրոյցին։
Մեկնաբանելով հարցը, թէ յաջողած է արդեօք ORSIS-ին յաղթահարել թիւրըմբռնումը, որ առաջացած էր Հայաստանի հանրապետութեան պաշտպանութեան նախարարութեան հետ, Պայմետով հաստատական պատասխան տուած է ։
«Յաջողած է։ «Բանակ-2021» ցուցահանդէսին ընկերութեան ղեկավարութիւնը հանդիպած է հայկական ռազմական գերատեսչութեան պատուիրակութեան հետ, զոր կը գլխաւորէր պաշտպանութեան նոր նախարար՝ Արշակ Կարապետեան»,- նշած է ընկերութեան ներկայացուցիչը։
Անոր խօսքով՝ հայ գործընկերները մեծ հետաքրքրութիւն ցուցաբերած են ORSIS-ի ներկայացուսած բոլոր զինատեսակներուն, անոնց կարգին՝ հեռանկարային նմուշներուն հանդէպ։
«Այսօր շարք մը նախապայմանագրային բանակցութիւններ կը վարուին Երեւանի հետ, եւ կարելի է ըսել, որ ORSIS-ը բացած է նոր եւ դրական էջ հայկական կողմի հետ համագործակցութեան մէջ»,- նշած է Պայմետովը։
