Մարտ 21-ի երեկոյեան Սիւնիքի մարզպետարանի ենթակայութեան Գորիսի բժշկական կեդրոն դիմած է ազգութեամբ ռուս երկու զինծառայող՝ գլխու շրջանին ոչ հրազէնային թեթեւ վնասուածքներով։ «Արմէնփրէս»-ի հաղորդմամբ՝ այս մասին յայտնած է Սիւնիքի մարզպետարանը։
Զինծառայողները ստացած են առաջին բուժօգնութիւն ու անմիջապէս դուրս եկած հիւանդանոցէն:
Աւելի վաղ հայկական թելեկրամեան շարք մը ալիքներ տեղեկութիւն տարածած էին , թէ Սիւնիքի մէջ ատրպէյճանական զինուժի գնդակոծութեան հետեւանքով 2 ռուս զինծառայող վիրաւորուած է։ Տեղեկութիւններ տարածուած էին նաեւ, թէ վիրաւորուածներէն մէկը մահացած է։