13.09c
Երեվան
ուրբ, նմբ 22
Սուրիացի յայտնի երգիծաբան եւ դերասան Տորէտ Լահհամ երէկ իւրայատուկ քայլով մը հակադարձած է Միացեալ Նահանգներու նախագահ Տանըլտ Թրամբի՝ սուրիական Կոլանը իսրայէլեան հող ընդունելու որոշումին:
Լահհամ, որուն այս մասին պատրաստած տեսանիւթը հրապարակած է սուրիական «Ալ-Ախպարիա»ի կայքը, Թրամբի ստորագրած որոշման նմանատիպ էջի մը վրայ իր ստորագրութիւնը դնելով, ըսած է, որ ինք այս քայլով Միացեալ Նահանգներու Քալիֆորնիոյ նահանգը կը նուիրէ Մեքսիքոյին:
Ան նաեւ աւելցուցած է. «Իմ այս ստորագրած թուղթիս արժէքը այնքան է, որքան որ է՝ Թրամբի ստորագրած թուղթինը: Կոլանը սուրիական է եւ պիտի մնայ սուրիական»:
Յիշեցնենք, որ իր իւրօրինակ տեսակէտներով յայտնի եւ նոյնիսկ մօտիկ անցեալին Սուրիոյ իշխանութիւնները ծանր քննադատութիւններու ենթարկած Տորէտ Լահամմը կը համարուի Սուրիոյ եւ արաբական երգիծանքի ամենայայտնի վարպետներէն:
