-6.91c
Երեվան
երկ, դկտ 29
ԱՄՆ նախագահ Ճօ Պայտըն եւ Ռուսաստանի նախագահ Վլատիմիր Փութին հեռախօսազրոյց ունեցած են Նոր տարուայ նախաշեմին: Փութինի օգնական Եուրի Ուշաքովի խօսքով՝ նախագահներուն զրոյցը «լուրջ» ստացուած է:
Ուշաքովի խոսքով՝ Փութին նախազգուշացուցած է ամերիկացի գործընկերը, որ նոր «աննախադէպ» հակառուսական պատժամիջոցներու սահմանումը կրնայ յանգեցնել երկիրներու միջեւ յարաբերութիւններու լիակատար խզման: Պայտըն խոստացած է Ուքրանիոյ մէջ հարուածային յարձակողական սպառազինում չտեղակայել, ինչպէս նաեւ յայտարարած է միջուկային պատերազմի անթոյլատրելիութեան մասին:
Կը նշուի, որ Փութին մանրամասն ներկայացուցած է անվտանգութեան երաշխիքներու հարցով Մոսկուայի առաջարկներու հիմնական սկզբունքները՝ ընդգծելով, որ Ռուսաստանին արդիւնք է պէտք:
Պայտընը, իր հերթին, յորդորած է ռուս գործընկերոջ քայլերու ձեռնարկել՝ մեղմացնելու ռուս-ուքրանական սահմանին ստեղծուած լարուածութիւնը՝ նախազգուշացնելով, որ կրնայ յանգեցնել կոշտ տնտեսական հետեւանքներու:
