19.82c
Երեվան
ուրբ, հլս 03
Վարչապետ Նիկոլ Փաշինեան հեռախօսազրոյց ունեցած է Եւրոպական խորհուրդի նախագահ Շարլ Միշէլի հետ։
Զրուցակիցներն անդրադարձած են Ատրպէյճանի կողմէ Լաչինի միջանցքի ապօրինի արգելափակման հետեւանքով շարունակուող ճգնաժամային իրավիճակին։ Մտքեր փոխանակուած են Հայաստան-Ատրպէյճան յարաբերութիւններու կարգաւորման գործընթացի, խաղաղութեան պայմանագրի, տարածաշրջանի հաղորդուղիներու վերագործարկման հարցերու շուրջ։
Վարչապետը մտահոգութիւն յայտնած է վերջին շրջանին Ատրպէյճանի աճող յարձակողական հռետորաբանութեան եւ սադրիչ գործելակերպի առնչութեամբ, ինչ որ կը խոչընդոտէ կայունութեան ու խաղաղութեան միտուած ջանքերը։
Եւրոպական խորհուրդի նախագահը վերահաստատած է Եւրոպական Միութեան պատրաստակամութիւնը՝ նպաստելու տարածաշրջանի մէջ երկխօսութեան ու խաղաղութեան։
