29.09c
Երեվան
ուրբ, օգս 21
Ատրպէյճանի տարածքով Ռուսիայէն Հայաստան պիտի ուղարկուի 11 վակոն ցորեն եւ 4 վակոն գարի։ Այս մասին կը յայտնեն ատրպէյճանական լրատուամիջոցները։
1108 թոն ընդհանուր կշիռքով 11 վակոն ցորեն եւ 273 թոն ընդհանուր կշիռքով 4 վակոն գարի այսօր Պալաճարի կայարանէն պիտի ուղարկուին Պէօյուք-Քեսիքի ուղղութեամբ։
Նշենք, որ մինչեւ օրս Ռուսիայէն Հայաստան Ատրպէյճանի տարածքով տարանցմամբ ուղարկուած է աւելի քան 47 հազար թոն հացահատիկ, մօտ 9 հազար թոն պարարտանիւթ, 1136 թոն փրոփան, 133 թոն ալիւմին, 1114 թոն ածուխ եւ 67 թոն փայտանիւթ։
Միեւնոյն ժամանակ, մինչեւ օրս Ատրպէյճանէն Հայաստան արտահանուած է մօտ 15 հազար թոն տիզելային վառելանիւթ եւ ԱԻ-92 ու ԱԻ-95 տեսակի մօտ 5 հազար թոն պենզին։
