Փաշինեան եւ Փութին ՀԱՊԿ-ի ժողովին պիտի մասնակցին

Փաշինեան եւ Փութին  ՀԱՊԿ-ի  ժողովին   պիտի մասնակցին

Մայիս 16-ին Մոսկուայի մէջ տեղի պիտի ունենայ Հաւաքական անվտանգութեան պայմանագրի կազմակերպութեան անդամ երկիրներու գագաթաժողովը` Ռուսիոյ նախագահ Վլատիմիր Փութինի մասնակցութեամբ: Մասնակիցները պիտի հանդիպին եւ զրուցեն աշխատանքային նախաճաշի ձեւաչափով: Այս մասին յայտարարած է Ռուսիոյ նախագահի խօսնակ Տմիթրի Փեսքովը:

«Մայիս 16-ին ՀԱՊԿ 30-ամեակի կապակցութեամբ Մոսկուայի մէջ տեղի պիտի ունենայ ՀԱՊԿ անդամ երկիրներու գագաթաժողովը: Այդ պիտի ըլլայ ե՛ւ առաջնորդներու հանդիպում, ե՛ւ անոնց առանձին շփում: Ինչպէս կ'ակնկալուի, միջոցառման արդիւնքներով ՀԱՊԿ գլխաւոր քարտուղար Սթանիսլաւ Զասը եւ ՀՀ վարչապետ Նիկոլ Փաշինեանը տեղեկատուութիւն պիտի տրամադրեն լրագրողներուն», ըսած է Փեսքով` յիշեցնելով, որ Հայաստանը այժմ կազմակերպութեան նախագահող երկիրն է: