Պէյրութի մէջ մահացած է Արմենուհի Ազնաւուրեան- Ուղուրլեանը

Պէյրութի մէջ մահացած է Արմենուհի Ազնաւուրեան-  Ուղուրլեանը


 Պէյրութի մէջ իր մահկանացուն կնքած է Արմենուհի Ազնաւուրեանը (Ծն.Ուղուրլեան ՝Պէյրութ)։

 

«Արեւելք» այս մասին տեղեկացաւ  հանգուցեալի հարազատներէն։

  Իր շրջապատին կողմէ սիրուած եւ յարգուած Տիկին Արմենուհին  հայկական ոգիով դաստիարակած է իր զաւակները եւ մինչեւ վերջին շունչ եղած է հպարտ հայուհի եւ հպարտութեամբ ալ խօսած է իր նախնիներու ծննդավայր Ատանայի մասին։

 Իր ընտանեկան  բոլոր պարտականութիւններէն բացի հայուհին եղած է նաեւ  նուիրեալ խաչուհի ու դարձած է անդամ Լիբանանի Օգնութեան Խաչի (Լ.Օ.Խ.) «Շուշանիկ» մասնաճիւղի վարչութեան։

 

  Վերջերս  անակնկալ անհանգստութեան մը հետեւանքով փոխադրուած է հիւանդանոց ու ծանր հիւանդութեան պատճառով ալ կնքած իր մահկանացուն։

 Հանգուցեալի վերջին հրաժեշտի  արարողութիւնը տեղի ունեցած է   Ուրբաթ օր  Սրբոց Վարդանանց եկեղեցւոյ մէջ, որմէ ետք ալ անոր մարմինը  յանձնուած է հողին՝ Պուրճ Համուտի Ազգային գերեզմանատան մէջ։

 

 Այս առթիւ մեր  ցաւակցութիւնները կը յղենք հանգուցեալի հարազատներուն եւ մասնաւորապէս    Լիբանանահայ  մշակութային-թատերական  կեանքի նուիրեալներէն Տիար Վարդան Ազնաւուրեանին։