26.09c
Երեվան
ուրբ, օգս 01
Պետտուման Մարտ 22-ի լիագումար նիստին որոշում կայացուցած է ստեղծել յատուկ յանձնաժողով` Ուքրանիոյ մէջ կենսաբանական տարրալուծարաններու գործունէութիւնը հետաքննելու համար:
Յանձնաժողովի կազմին մէջ պիտի ընդգրկուի 14 պատգամաւոր: Փաստաթուղթին տակ ստորագրած են խորհրդարանի Ստորին պալատի 450 պատգամաւորներէն 448-ը:
Աւելի վաղ յանձնաժողով առաջարկած էին ստեղծել Լիպերալ-դեմոկրատական կուսակցութեան պատգամաւորները: Կուսակցութեան խօսնակ Ալեքսէյ Տիտենքոյի խօսքերով` անհրաժեշտ է ուշադիր հետաքննել Ուքրանիոյ մէջ ամերիկեան կենսաբանական տարրալուծարաններու գործունէութեան եւ նախկին ԽՍՀՄ-ի մէջ «Քովիտ»ի համաճարակի զարգացման հնարաւոր կապը:
Ան կը կարծէ, որ եթէ ապացուցուի ԱՄՆ-ի եւ Ուքրանիոյ դերը «Քովիտ»ի տարածման գործին մէջ, ապա այդ կրնայ հիմք դառնալ այս երկիրներուն դէմ դատական հայցի ներկայացման համար:
Միւս կողմէ, Մարտ 22-ին, ԱՄՆ նախագահ Ճօ Պայտըն առեւտուրի ներկայացուցիչներու հետ հանդիպման ժամանակ ըսած է, որ Ամերիկան երբեք չի զբաղած Եւրոպայի մէջ կենսաբանական զէնքի մշակմամբ:
