Մոսկուայի Մէջ «Հողը Կը Խօսի» Նորատիպ Հատորը Ներկայացուեցաւ

Մոսկուայի Մէջ  «Հողը Կը Խօսի»   Նորատիպ Հատորը Ներկայացուեցաւ

Ռուսիա-«Արեւելք»- 22  Յուլիսին  Մոսկուայի գրողներու  միջազգային ընկերակցութեան  (Pen  Club) տունէն ներս  կայացաւ «Հողը կը խօսի» ռուսերէն լեզուով գիրքի շնորհահանդէսը:  Շնորհահանդէսը կազմակերպուած  էր Ռուսատանի գրողներու Միութեան  Մոսկուայի քաղաքային կազմակերպութեան նախագահ,  բանաստեղծ՝ Վլատիմիր Պոյարինովի եւ գրող, բնական գիտութիւններու ակադեմիայի  անդամ ՝ Ալպէրթ  Օհանեանի աջակցութեամբ:Հանդիսութեան  ներկայ էին  հայկական դեսպանատան,  Ռուսաստանի հայերու Միութեան , Մոսկուայի գրական թերթի,  «Շանթ» հայկական հեռուստաալիքի Մոսկուայի ներկայացուցիչները, ռուս եւ հայ գրողներ եւ այլ հիւրեր: Նշենք, որ հանդիսութեան իրենց մասնակցութիւնը բերած   են   Հայաստանէն  այս առթիւ Մոսկուա  ժամանած  հայ  գրողներու պատուիրակութիւն մը:  Անոնք աւելի վաղ   Ռումանիոյ մէջ մասնակցած էին  բանաստեղծութեան 19 -րդ  միջազգային փառատօնին:    «Հողը Կը  Խօսի» Ժողովածուն  նուիրուած է Հայոց Ցեղասպանութեան 100 -րդ տարելիցին եւ  իր մէջ կը ներառէ  Եղեռնազոհ  արեւմտահայ դասական գրողներու  ստեղծագործութիւնները: Հատորի խմբագրման  աշխատանքները կատարած են  բանաստեղծներ` Հերմինէ  Նաւասարդեան, Ալպերդ Նալպանտեան, Տիգրան Գաբոյեանի եւ այլ անձանց ջանքերով:Ժողովածուն  հայերէնէ թարգմանուած  ու հրատարակուած է  է նաեւ անգլերէն ( անգլերէն լեզուով գիրքը  խմբագրած ու կազմած է  ՝Տիգրան Գաբոյեանը) եւ գերմաներէն ( «Ափ մը մոխիր» խորագրով ) լեզուներու:Ծրագրի  երկրորդ մասի ընթացքին  ներկայացուեցաւ  Վլատիմիր Պոյարինովի եւ Վլատիմիր Սիլկինի բանաստեղծութիւններու՝ Գիրքի ներկայացման   երեկոն   վարած է բանաստեղծ, նկարիչ Թաթիանա Տանիէլեանցը: Ելոյթ ունեցած են  բանաստեղծներ՝ Լեւոն Պլպուլեան, Հերմինէ Նաւասարդեան, Տիգրան Գաբոյեան եւ այլ հիւրեր: