Վատիկան- (BBC.,CNN) 43 Տարեկան Լեհ վարդապետ Քրիսթոֆ Օլաֆ Խարամզա յայտարարած է իր միասեռականութեան մասին: Վարդապետը, որ աշխատած է Վատիկանի հոգեւոր հարցերու բարձրագոյն մարմնին մէջ ըսած է, որ ինք ուրախ է իր միասեռական ըլլալուն մէջ եւ չի թաքցներ այդ մէկը: Խարամզա նաեւ յայտնած է, թէ բոլոր միասեռականները եւս Աստծոյ զաւակներն են: Նշենք, որ Վատիկանի մէջ այսօր սկիզբ առնող Կարտինալներու Սիւնոթի գլխաւոր օրակարգերէն մէկը յատկացուած պիտի ըլլայ միասեռականութեան խնդրին: Վատիկանի մօտիկ կանգնած դէտեր յայտնած են, որ միասեռական վարդապետը կրնայ ոչ միայն յետս կոչուիլ իր պատասխանատուութիւններէն այլ նաեւ ընդհանրապէս վտարուիլ Վատիկանէն: