12.21c
Երեվան
չրք, մյս 14
Միացեալ Նահանգներու արտաքին գործոց նախարար Մարքո Ռուպիո Ուաշինկթընի մէջ ընդունած է Իրաքի փոխվարչապետ եւ արտաքին գործոց նախարար Ֆուատ Հուսէյնին։
Արտաքին գործոց նախարարութեան հաղորդագրութեան համաձայն՝ կողմերը քննարկած են տարածաշրջանային անվտանգութեան եւ կայունութեան պարունակին մէջ Իրաքի ինքնիշխանութեան կարեւորութիւնը։ Ռուպիո բարձր գնահատած է տարածաշրջանի լարուածութիւնը թուլցնելու եւ կառուցողական երկխօսութեան նպաստելու ուղղութեամբ Իրաքի գործադրած ջանքերը։
Անդրադարձ եղած է Միացեալ Նահանգներու եւ Իրաքի միջեւ տնտեսական գործակցութեան զարգացման, առեւտուրի եւ ներդրումներու յաւելումի հեռանկարին։ Ռուպիո յիշեցուցած է, որ օրերս Պաղտատը հիւրընկալած է Միացեալ Նահանգներու առեւտրային առաքելութիւնը, եւ կնքուած են ամերիկեան ընկերութիւններու հետ միլիառաւոր տոլարներու համաձայնագիրներ:
