3.09c
Երեվան
հնգ, նմբ 07
Հայաստանի առողջապահության նախարարությունից տեղեկացնում են, որ երկրում կարմրուկի լաբորատոր հաստատված 20 դեպքերից 15-ը երեխաներ են, 5-ը` մեծահասակ:
Բոլորի վիճակը միջին ծանրության է, գտնվում են հսկողության տակ, բուժումը կազմակերպվում է ԱՀԿ-ի կողմից հաստատված միջազգային ուղեցույցներով:
Կարմրուկի առաջին դեպքը Հայաստան է ներթափանցել արտերկրից:
Առաջին դեպքն արձանագրվելուց հետո սկսվել են կարմրուկի դեպքերի վաղ հայտնաբերման, կոնտակտավոր անձանց շղթան արագ պարզելու, 72-ժամվա ընթացում կանխարգելիչ պատվաստման միջոցառումները:
Աշխատանքային խումբը փոփոխություններ է կատարել ազգային օրացույցով նախատեսված պատվաստումային գործընթացն ակտիվացնելու ուղղությամբ:
Հիվանդության տարածումը կանխելու և բուժման կազմակերպման համար բոլոր անհրաժեշտ միջոցառումներն իրականացվում են:
Այս պահին սահմանափակումներ կիրառելու անհրաժեշտություն չկա:
