-1.91c
Երեվան
ուրբ, հնվ 02
Ատրպէյճանի հետախուզական ծառայութիւնները կանխած են Պաքուի մէջ Իսրայէլի դեսպանատան վրայ յարձակման փորձը։ Այս մասին գրած է իսրայէլեան Ynet պարբերականը։
Պարբերականը գրած է, որ, ենթադրաբար, իրանական ծագումով, զինեալ տղամարդը փորձած է մուտք գործել դեսպանատուն, սակայն ձերբակալուած է Ատրպէյճանի պետական անվտանգութեան ծառայութեան աշխատակիցներու կողմէ։ Անոր ձերբակալած են չորս ամսով։
2023 թուականի նոյեմբերին Մ.Խ. Հոսէյնզատէն ահաբեկչութիւն իրականացնելու նպատակով փորձած է մուտք գործել Պաքուի մէջ գտնուող օտար երկրի դիւանագիտական ներկայացուցչութեան վարչական շէնք։ Պետական անվտանգութեան ծառայութեան աշխատակիցներու կողմէ իրականացուած գործողութիւններու հետեւանքով Հոսէյնզատէն ձերբակալուած եւ զինաթափուած է։
