6.09c
Երեվան
ուրբ, նմբ 22
Սաղիմահայ Սերոբ Սահակեան կը գրէ. «Երէկ երեկոյեան Թէլ Աւիւի իր տան մէջ իր մահկանացուն կնքեց մեծ հայասէր ու խաղաղութեան ռահվիրայ, 1999 տարուան Իսրայէլի կրթութեան նախարար Եոսի Սարիտը: Սարիտ, որ յայտնի է իր հայանպաստ կեցուածքներով բազմիցս մասնակից եղած է Երուսաղէմի Սրբոց Յակոբեանց մայրավանքին մէջ տեղի ունեցած Հայոց Ցեղասպանութեան զոհերու յիշատակի ոգեկոչումներուն: Սարիտ տարբեր առիթներով խօսած է հայկական հարցին մասին եւ իսրայէլեան կառավարութիւնէն պահանջած ճանչնալ Հայոց Ցեղասպանութեան փաստը: Սարիտի հայանպաստ կեցուածքները այլ դրդապատճառներու կողքին պատճառ հանդիսացան, որ ան կորսնցնէ իր նախարարական աթոռը եւ մասամբ հեռանայ Իսրայէլի քաղաքական բեմահարթակէն»:
