Իրաք- ISIS Ահաբեկչական խմբաւորումը քիմիական նիւթեր պարունակող հրթիռներ կ'օգտագործէ քիւրտերուն դէմ: Այս մասին տեղեկութիւնը տրուած է Rudow.net կայքին կողմէ, որ նաեւ կը հաղորդէ, որ Մուսէլի մերձ գտնուող Բէշմարքայի տարբեր դիրքերուն վրայ քիմիական նիւթեր պարունակող հրթիռներ նետուած են: Ականատեսներէ ստանալով իր տեղեկութիւնները աղբիւրը կը հաղորդէ, որ հրթիռներուն ինկած վայրերուն մէջ դեղին փոշենիւթ մը բարձրացած է: Քրտական Բէշմարաքայի պատասխանատուներ դաշնակից ուժերու հետ համատեղ քննութիւն բացած են շրջանին մէջ: Նշենք, որ առաջին անգամը չէ, որ ISIS քիմիական թունաւոր նիւթեր պարունակող հրթիռներ կը նետէ Իրաքեան տարբեր շրջաններու մէջ: