7.09c
Երեվան
շբթ, մյս 09
Իրանի մէջ «Քորոնա» ժահրի վարակով պայմանաւորուած իրադրութիւնը կը վատանայ, երկրին մէջ հիւանդութեան հինգերորդ ալիքի բռնկման հաւանականութիւն կայ: Այս մասին յայտարարած է Իրանի Իսլամական Հանրապետութեան նախագահ՝ Հասան Ռուհանին:
Ան տեղեկացուցած է, որ երկրի հարաւային եւ հարաւ-արեւելեան հատուածներուն մէջ սկսած է տարածուիլ «Քորոնա» ժահրի «Տելթա» տարբերակը: Ռուհանին նշած է, որ թէպէտ իրենք կրնան օրական պատուաստել մինչեւ 500 հազար քաղաքացի, սակայն անհրաժեշտ է պահպանել բոլոր կանխարգելիչ միջոցառումները՝ կանխելու ժահրի հետագայ տարածումը:
«Հնարաւոր է, որ հինգերորդ ալիքը արդէն սկսած է»,- ըսած է նախագահը:
Իրանի մէջ «Քորոնա» ժահրով վարակուածներու ընդհանուր թիւը կը կազմէ 3.3 միլիոն մարդ, մահացած է 85.6 հազարը:
