4.09c
Երեվան
ուրբ, նմբ 08
«Տէյլի Սապահ»-Պոլիս- Երկուշաբթի գիշեր Պոլսոյ ասիական կողմը, Պէյքօզ շրջանին մէջ գտնուող Փոլոնէզքոյի այգիէն ներս հրդեհ բռնկած է:
Պէյքոզ, Քաւասիք եւ Ռաւուշպաշի շրջաններէն հասնող հրշէջի խումբերու միասնական ջանքերով մարած է կրակը: Երեք ժամ տեւողութեամբ բռնկած հրդեհի հետեւանքով վնասուած է երկու հա անտառային հողամաս:
Հրդեհի պատճառը ցարդ կը մնայ անյայտ: Կ'ենթադրուի, որ շաբաթավերջին Հիւսիսային Թուրքիոյ հարաւ-արեւմտեան չոր քամիները պատճառ դարձած են կրակի ազդեցութեան ուժեղացման:
Նշենք, որ նաեւ որ Փոլոնէզքոյի այգին (լեհական գիւղ՝ Թուրքիոյ մէջ) հիմնադրուած էր լեհ նորաբնակներու կողմէ, 1842-ին, որոնք Լեհաստանի մէջ 1830-31 թթ. բարձրացող ապստամբութեան պատճառով գաղթած եւ հաստատուած էին Օսմանեան կայսրութիւն:
Բնական սքանչելի գեղեցկութեամբ գիւղը եւ անոր շրջակայքը նշանաւոր հանգստավայր են Պոլսոյ համար, մանաւանդ` շաբաթավերջերուն:
