image

«Հայորդեաց պատկերը տառապանքով ալեկոծուած էր». Գերշ. Տ. Յովնան արք.ի գրառումը

 «Հայորդեաց պատկերը տառապանքով ալեկոծուած էր». Գերշ. Տ. Յովնան արք.ի գրառումը

Օրերս   ազգային-կրօնական նիստերու մասնակցութեան նպատակով Հայաստան  գտնուող   Հայց. Առաքելական Եկեղեցւոյ Արեւմտեան Թեմի  Առաջնորդ՝ Գերշ. Տ. Յովնան արք. Տէրտէրեան  ուղեկցած է Ն.Ս.Օ.Տ.Տ. Գարեգին Բ. Ամենայն Հայոց  Կաթողիկոսին ու այցելութիւն տուած բռնի կերպով տեղահանուած արցախցի ընտանիքներու։

Այս մասին  Սրբազան Հայրը կատարած է  սրտառուչ գրառում մը, որ կը ներկայացնենք ստորեւ՝

 

Նոյեմբեր 2-ին Վեհափառ Հայրապետի գլխաւորութեամբ եւ հոգեւորականաց դասի ընկերակցութեամբ Ծաղկաձորի մէջ հանդիպեցանք Արցախէն տեղահանուած 35 գաղթական ընտանիքներու հետ։ Իրօք պիտի դժուարանամ բառերով արտայայտել ներքին ցաւն ու խոր մտահոգութիւնս ի տես տառապանքով ալեկոծուած հայորդեաց պատկերին։ Միայն աղօթող եմ առ Աստուած, որ բոլորիս մէջ յոյսը չմարի եւ հաւատքով յաղթահարուեն այս դժուարին օրերը։ Իսկ մեզի բոլորիս կը մնայ ցաւակից ըլլալ մեր ժողովուրդին գործնական քայլերով, քրիստոնէական ճշմարիտ հաւատքով ու սիրով։

Թող պատկերները մեր բոլորի հոգիներու մէջ արթնցնեն քաջութեան ոգին եւ ընդմիշտ խեղդեն անտարբերութիւնը։

Թող այս լինի իմ ամենակարճ խօսքը։ Քրիստոնէական սիրով Տէ՛րը կանգնինք մեր նորահաս զաւակներուն, որոնց աչքերուն մէջ ես կը տեսնեմ նոր արշալոյսը կեանքի։

Աստուած ամենակարող, օրհնէ՛ մեր բալիկները եւ բոլորի հոգիներուն մէջ արթուն պահէ Արցախի ազատատենչ ոգին։