31.72c
Երեվան
կրկ, հնս 21
Ռուսիան աշխուժօրէն կ'աջակցի եւ պիտի աջակցի այն ամէնին, ինչ որ կը նպաստէ Հարաւային Կովկասի տարածաշրջանի խաղաղ եւ անվտանգ զարգացման համար հիմքի ստեղծման:
Շնորհիւ պատմականօրէն եղբայրական եւ դաշնակցային յարաբերութիւններուն` մեր ընկերներուն եւ դաշնակիցներուն շարքին առանձնայատուկ տեղ կը զբաղեցնէ Հայաստանը: Ռուսիոյ օրուան առիթով պետական ընդունելութեան ժամանակ ունեցած իր ելոյթին ընթացքին ընդգծած է Հայաստանի մէջ Ռուսիոյ դեսպան Սերգէյ Քոփիրքինը:
«Այս տարի մենք կը նշենք դիւանագիտական յարաբերութիւններու հաստատման 30-ամեակը եւ Բարեկամութեան, համագործակցութեան ու փոխադարձ օգնութեան մասին պայմանագրի ստորագրման 25-ամեակը: Այս տասնամեակներու ընթացքին մեր երկիրներուն միջեւ համագործակցութիւնը տարբերած է վստահելի բարձր մակարդակի քաղաքական երկխօսութեամբ, տարբեր նախարարութիւններու եւ գերատեսչութիւններու գծով աշխոյժ փոխգործակցութեամբ: Հետեւողականօրէն զարգացած են եւ կը շարունակեն զարգանալ տնտեսական կապերը. 2021 թուականի արդիւնքներով` ապրանքաշրջանառութիւնը գերազանցած է մինչհամաճարակային ցուցանիշները եւ կազմած է շուրջ 2,6 միլիառ տոլար: Ռուսիան կը պահպանէ Հայաստանի հիմնական եւ յուսալի տնտեսական եւ ներդրումային գործընկերոջ դիրքերը: Կ'ընդլայնուի մեր մշակութային, կրթական եւ մարդասիրական համագործակցութիւնը: Առանցքային նշանակութիւն ունի երկկողմ արդիւնաւէտ համագործակցութիւնը անվտանգութեան ոլորտին մէջ` ինչպէս տարածաշրջանային, այնպէս ալ միջազգային: Մեր երկիրները աշխուժօրէն կը փոխգործակցին միջազգային հարթակներու մէջ եւ ընդհանուր համարկման միաւորումներու` ԵԱՏՄ- ի, ՀԱՊԿ-ի եւ ԱՊՀ-ի շրջանակներուն մէջ», ըսած է դեսպանը:
Դեսպանը ընդգծած է, որ Ռուսիան աշխուժօրէն կ'աջակցի եւ պիտի աջակցի այն ամէնին, ինչ որ կը նպաստէ Հարաւային Կովկասի տարածաշրջանի խաղաղ եւ անվտանգ զարգացման համար հիմքի ստեղծման: Անոր խօսքով` Ռուսիան, գործընկերներուն հետ սերտ փոխգործակցութեամբ յամառ եւ լարուած աշխատանքներ կը տանի տարածաշրջանային խնդիրներու լուծման առումով, որոնք ուղղուած են թէ՛ ճանապարհային եւ տնտեսական կապերու բացմանը, թէ՛ հայ-ատրպէյճանական յարաբերութիւններու բարելաւման, Հայաստանի եւ Թուրքիոյ միջեւ բնական, լիարժէք յարաբերութիւններու ձեւաւորման:
