-4.91c
Երեվան
ուրբ, հնվ 03
Սուրիա- Հալէպի ՀԲԸՄ «Լազար Նաճարեան-Գալուստ Կիւլպէնկեան Երկրորդական Վարժարան»ը կը պատրաստուի 2015-2016 դպրոցական տարեշրջանի վերամուտին: Այս մասին տեղեկութիւնը ստացանք «Արեւելք»ի Հալէպի աղբիւրներէն: Նշենք, որ վարժարանը կը գտնուի Հալէպի Ազիզիյէ շրջանին մէջ, որ համեմատաբար աւելի խաղաղ շրջան կը համարուի: Մեր աղբիւրը նաեւ յայտնեց, որ հակառակ տիրող «խաղաղ» իրավիճակին այդ շրջանը եւս կը համարուի ահաբեկիչ զինեալներու կրակի թիրախ այն իմաստով, որ այդ շրջանի ծայրամասերուն ինկող հրթիռներու բեկորներ կրնան մինչեւ դպրոց հասնիլ: Մեր աղբիւրը նաեւ կը յայտնէ, որ դպրոցի անցեալ տարուան ընդհանուր թիւը եղած է 594 եւ մինչեւ այս պահը յայտնի չէ դպրոց յաճախող աշակերտներուն թիւը: Աղբիւրը նաեւ կը նշէ, որ դպրոցը պիտի կառավարուի 100 պաշտօնեաներով (ուսուցիչ եւ պաշտօնեայ) մինչ անցեալ տարուան տուելաներով պաշտօնեաներուն ընդհանուր թիւը եղած է՝ 165: «Արեւելք» յառաջիկայ օրերուն պիտի շարունակէ մանրամասն տեղեկութիւններ փոխանցել Հալէպի հայկական վարժարաններուն մասին:
