-3.91c
Երեվան
երկ, դկտ 23
Բնիկ Հալէպցի ծնողներու Յովիկ եւ Սալբի Քանտիլեաններու զաւակ՝ Վազգէն Քանտիլեան մահացած է Սէուտական Արաբիոյ մէջ։
Եղելութեան մասին «Արեւելք» իմացաւ հանգուցեալ փոքրիկին ազգականներէն։
Կը նշուի, որ 7-ամեայ երեխան տառապած է ծանր հիւանդութիւնէ, որուն համար ալ ծնողները կարեւոր ջանքեր թափած են ու հետամուտ եղած բժիշկներու խորհուրդներուն ու թելադրանքներու գործադրման։
Շրջան մը բարելաւում ունենալէ ետք փոքրիկին առողջական վիճակը կտրուկ վատթարացած է, որմէ ետք ալ օրերս ան փակած է իր աչքերը խոր սուգի մատնելով ծնողները, հարազատները եւ ընտանեկան բարեկամները։
Կը նշուի նաեւ, որ Վազգէնի յուղարկաւորութեան վայրը տակաւին յստակ չէ տրուած ըլլալով Սուրիոյ վերջին զարգացումները եւ դէպի Սուրիոյ թռիչքներու վերսկսման խնդիրը։
Կը ցաւակցինք բոլոր հարազատներուն յիշելով յատկապէս փոքրիկի քեռին, հալէպահայ համայնքային գործիչ՝ Տիար Յարութ Զգուշեանը։
